LG G2 mini доаѓа во јануари
Објавено на 10.12.2013 во Новости
LG е еден од најактивните производители во мобилната индустрија оваа година пласирајќи неколку фантастични уреди како смартфонот LG G2 и таблетот LG G Pad 8.3. Сега медиумите пренесуваат дека можно е наскоро да видиме уште квалитетен смартфон кој би претставувал мини верзија на одличниот LG G2.
LG G2 mini ќе има помал екран од 4.7 инчи со HD резолуција, слично како и повеќето мини верзии на премиум смартфоните и LG Electronics ќе се обиде да понуди речиси идентични компоненти како и кај целосната верзија.
Тоа значи дека LG G2 mini ќе работи на супер брзиот четири-јадрен Qualcomm Snapdragon 800 процесор со 2 GB RAM и 13 мегапикселна камера со оптичка стабилизација на сликата. LG G2 mini би требало да се појави на пазарот во почетокот на 2014 година.
Текстот не смее да се печати или емитува, во целина или во делови без договор со Telefoni.mk.