Samsung Galaxy S6 ќе има интерфејс на ниво на Nexus 6
Објавено на 14.01.2015 во Новости
Според медиумите од Јужна Кореја Samsung Mobile подготвува сосема нов TouchWiz интерфејс за претстојниот премиум смартфон Samsung Galaxy S6 кој ќе биде целосно редизајниран, поедноставен и сите непотребни функции и елементи ќе бидат отстранети.
Фокусот ќе биде ставен на на подобрувања на квалитетните опции кои најчесто се користат. На овој начин Samsung Galaxy S6 би дошол со една „почиста“ верзија на Android 5.0 Lollipop слична како кај Nexus 6 на Google.
Досега имаше информации дека Samsung Galaxy S6 ќе има нов изглед кој ќе се издвојува од претходните модели, а за таа цел Samsung започнал од нула со нов концепт во кој е вклучено метални компоненти, флексибилен дисплеј со закривеност на рабовите и тенко тело.
Текстот не смее да се печати или емитува, во целина или во делови без договор со Telefoni.mk.
