Sony Xperia Z5 Compact се појави со прва слика

Sony Mobile мора да се потруди овој пат да не ги разочара своите фанови и да лансира супер квалитетни смартфони, меѓу кои ќе биде и помалиот модел Sony Xperia Z5 Compact. Од овој телефон се појави првата слика која покажува веќе виден „дијамантски“ дизајн со рамна стаклена задна површина и голем сензор за камерата. 

Странично кај Sony Xperia Z5 Compact се забележува сместувањето на скенерот за отпечатоци и главното копче за вклучување. Sony Xperia Z5 Compact ќе се држи високо на врвот со 4.7 инчен Full HD дисплеј, а ќе работи со осум-јадрен процесор, 3 GB RAM, 32 GB меморија, батерија со капацитет од 3000 mAh, водоотпорен сертификат и Android 5.1 оперативен систем.

Промоцијата на Sony Xperia Z5 Compact заедно со главниот модел Sony Xperia Z5 ја очекуваме на почетокот на септември на IFA саемот за технологија во септември.