Samsung Galaxy S5 потона под iPhone 5s

Неодамнешната анализа на ABI Research покажа дека најпопуларен смартфон и понатаму е iPhone 5s кој и по осум месеци од официјалниот пласман се уште ја држи водечката позиција пред конкурентите од Android како Samsung Galaxy S5, HTC One, LG G2 и Sony Xperia Z2, а најголеми причини за грижи има токму Samsung кој вложи најмногу во маркетинг.

Според најновите податоци на Counterpoint во мај iPhone 5s достигнал неверојатна бројка од 7 милиони продадени копии, додека пак Samsung Galaxy S5 кој е свеж и e многу атрактивен постигнал продажба од само 5 милиони смартфони. Samsung Galaxy S5 засотанува во продажбата и зад ланскиот модел Samsung Galaxy S4 кој постигна поголем успех и беше апсолутен хит меѓу корисниците.

Samsung Mobile е свесен дека ја наруши сликата за премиум квалитет на своите смартфони дозволувајќи јавноста премногу да шпекулира за компонентите на Samsung Galaxy S5 кои не се остварија, па затоа ќе побрза со пласмaнот на нова Prime верзија која ќе ги вклучи посакуваните новитети како Quad HD дисплеј, поквалитетен дизајн со метални елементи и помоќен процесор.