Највредните брендови на светот им припаѓаат на технолошките компании

Скалилото на Brandz за највредни брендови потврди дека технолошките компании уште доминираат на пазарот. Amazon е убедливо на првото место со проценета вредност од речиси 416 милијарди долари, а потоа следува Apple со 352 милијарди долари.

Microsoft и Google оваа година ги заменија местата. Microsoft е на трето место со 326,5 милијарди долари, додека Google е на 4 место со 323,6 милијарди долари. Следува Visa со вредност од 187 милијарди, кинеската Alibaba Group има 152,5 милијарди, Tencent - 151 милијарди и Facebook има вредност од 147 милијарди долари. Во првите 10 највредни брендови се протна и McDonald's кој не е од технолошката индустрија, со вредност од речиси 130 милијарди долари.